Hindi pa uso noon ang boy bawang, kaya mik-mik ang madalas naming pagtripan ng mga pinsan ko. Bumibili kami sa tindahan ni Apong Pasing tuwing uwian sa hapon pagkagaling sa eskwela saka naman namin lalantakan pag nakarating na kami sa bahay habang nanonood ng mojacko.

Ibang thrill to kainin, minsan masasamid ka dahil yong pulbos deretsong mapupunta sa lalamunan mo. Minsan naman e lalabas sa ilong mo lalo na pag nagkakatawanan na. Ang teknik dito e dahan dahan lang ang paghigop saka mo biglang isasara yong bibig mo saka mo lalasahan ngayon yong gatas.

Yong kapatid ko namang maarte ang ginagawa nya e nilalagay nya sa baso saka nya dudukot dukotin gamit ang daliri. At pag nagsawa na kami e lalagyan na lang namin ng tubig at asukal saka iinumin. Hindi masyadong masarap pag ganun. Mas okey pa rin talaga pagsinusopsop. Ayos na ayos yon!

Thanks to: http://images.eggay.multiply.com